Heilun

 

Hvað er heilun?

Þegar heilunarmeðferð er hafin er ábyrgðin ekki eingöngu hjá heilaranum heldur jafnframt hjá þiggjandanum. Þetta er vegna þess að heilarinn er að veita þiggjandanum aðgang að orku og það er þiggjandans að nýta þessa orku sér til handa.

Heilun hjálpar okkur til þess að styrkja sambandið milli sálar og líkama og koma jafnvægi þar á milli. Hún vinnur bæði með verki og líkamlega kvilla sem og tilfinningar, eins og streitu, áföll, ótta, sorg, þunglyndi, kvíða, reiði o.s.frv., sem geta stundum hindrað okkur að takast á við ýmsar aðstæður í lífinu. Heilun getur hjálpað að skilja þessar aðstæður. Hún getur einnig styrkt ónæmiskerfið og hjálpað þannig líkamanum að takast á við hvers konar veikindi.

Yfirleitt fylgir heilun djúp slökun, bæði andleg og líkamleg, sem er mjög nauðsynleg og notaleg öllum. Stundum dettur heilunarþeginn alveg út og sofnar og er það í lagi. Þá fær líkaminn færi á að vinna með heilunarorkuna.

Fólk getur upplifað heilunina á mismunandi hátt og sumir finna jafnvel ekki fyrir neinu. Aðrir geta kannski fundið fyrir hita, kulda eða eins konar flæði, jafnvel séð liti eða myndir í huganum.

Einstaka finna fyrir fleiri höndum en heilarans eða þá að hendur heilarans séu stærri eða minni en þeim finnst að þær eigi að vera (þá getur verið um aðstoð að ræða).

Í einhverjum tilvikum geta ýmsar tilfinningar komið upp á yfirborðið og þá er mikilvægt að leyfa þeim að koma því þetta er aðferð sem líkaminn og sálin nota til þess að hreinsa sig.

Stundum getur verkur, sem verið er að vinna með, versnað í smá stund og þá ætti ekki að hætta fyrr en hann hverfur, því annars gæti hann mögulega orðið viðvarandi í einhvern tíma, það getur líka komið upp að heilunarþeginn grætur og það er bara góð hreinsun.

Það verður að leyfa líkamanum að klára úrvinnsluna, slaka á og streitast ekki á móti þó það geti verið óþægilegt í smá stund.

 

Heilunartíminn er yfirleitt á bilinu 45-60 mínútur í hvert skipti. Til þess að ná sem bestum árangri gæti heilunarþeginn þurft að mæta í nokkur skipti. Eftir að heilunartímanum er lokið er mikilvægt að drekka nóg af vatni til að aðstoða líkamann við að skila út úrgangs- og eiturefnum sem heilunin hjálpar þiggjandanum að losa sig við.